giovedì 28 Marzo 2024,

Dai Comuni

Ξ Commenta la notizia

Terracina: la storia il mito … “La bbòna grazzia … se tène tutte”

scritto da Redazione
Terracina: la storia il mito … “La bbòna grazzia … se tène tutte”

E ciucciasse chist’anne.

Nna mmatina de la fenetiva de luj, Rusaria e Benedetta càreche sulle borze de lla spesa, azzeccàvene la Salita.

A farze chell’appettata c’èva vulute quasi mezz’ora, ca ‘gne tante se fermàvene pe repejà fiate, e stèvene trèscene da sudore e zuffiàvene accome a do cavàj borze.

Arevate a j’Arche che sta vucine a vìchele Pertenace s’ancuntrèttere cu Mafàlda, la cuggina de Rusaria.

Chesta, che scegneva pe ji a fa la spesa pur’ièssa, salutètte e dumuannètte s’èvene state a ju mercata abbasce a mmare … se ce stèva tanta aggenta … e che èvene accattate … e quante l’èvene pagate …e dapò, doppe nu mumente de solenzej, attacchètte ju descurze che se prèmeva.

-Rusà, j’atu giorne so ncuntrate cunàtema Amalia…

– Ha! Bbòna chella …

-M’è ditte che …

A stu punte, Benedetta, capite la manfrina, e ciuè, che stèvene a fa nu descurze de famija, s’alluntanètte, fermènnese vucine a ju tabaccare, pusètte le borze vucine a ju mare e se mèss’aspettà.

Evene passata na decina de menute e Benedetta s’eva acumenzata a straccà.

-Cummuara Rusà …?

Ma Rusaria nen la scutava.

Uramaj s’eva zammuzzata e di peste e corna de lla cunata e nen ce deva decina de menute a Benedetta ancumenzava a dà segne de suppurtaziona.

-Commuara Rusà, se st’a’ffa tarde…!

Ma te le suènne tu?! Rusaria, ueamaj, s’eva scurdate de ièsse, la casa e lla famija e se steve anqutuènne de brutte.

Benedetta assuppurtètte n’ate puè, ma se vedeva che nen ce la facièva più.

Bulleva accome a nna pila de fasuèle, èva’abbuttate ju cuèj accome a nnu cuajnacce, sbatteva nu pède an tèra e trettecava cu tutte ju cuèrpe.

-Cummuara Rusà …? – e dapò cu nna fregna pè capij

-Cummuara Rusà …?

E doppe cinqe menute nen ce l’è fatta più. Ancacchiata accome a nna bbèstia, ce strellètte:

-Ahj che te pozzen’accida …?!

-Ho, ècche, vènghe sùbbete!

E lassètte de bbòtte la cuggina.

 

e.l.

Riproduzione riservata

 

Rispondi alla discussione

Facebook